مهدی ای کشتی عشقین ناخداسی هارداسان
مهدی ای طاها گلی ، زهرا بالاسی ، هارداسان
یوخدی هجــرانه دوزوم جانا قوتار هجرانووی
گل مریض عشقووَم،دردلره دواسی ، هارداسان
وصفوه عاجزدی حالـــیم ای گوزلّردن گوزل
بـارگـاه حسنـده، دیلـر صفـاسی ، هـارداسان
بارش باران رحمت ، گـوز یاشوندا ، مهدیـا
گوزلرون قربانی ای گوزلر ضیاسی ،هارداسان
ای وجــــودی خلقته باعث ایا صاحب زمان
ای حسینین باشینین، نی ده نواسی، هارداسان
ای آچان نیلین یولون موسی ایلین اصحابینه
کربلانون آچ یولون ، دیل کربلاسی ، هارداسان
خالووه قربان ، اگـــرمین یوسف کنعان اولا
آزدی،ای ارض و سماء،خالون فداسی،هارداسان
ای خدانون جلوه گاهی ، ای علینون دلبری
معــــــــنی آیات حقّین انتهاسی ، هارداسان
شوکتیم، شأنیم، جلالیم، ای امیدیم، ای نگار
غربتیم وار، عبدووَم ، عزّت خداسی ، هارداسان
خم غمینن جامیمی دولدور،غمون محتاجیم
سائلم غم خانوه ، غــــم مبتلاسی ، هارداسان
هرگئجه گوندوز ،دالونجا ،کاتب عشقون ملر
قویما، چوخ محزون اولا ،دل آشناسی،هارداسان
کلمات کلیدی :
برچسبها:
